Sönglað í Salz

Hér munu merkar og ómerkar fréttir sem og hugleiðingar líta dagsins ljós frá fjölskyldunni í Salzburg

laugardagur, nóvember 19, 2005

Sveitasæla !!!

Nú er fjölskyldan að Bugðulæk stödd í sveitasælunni á Hvammstanga. Það er náttúrulega ekki eðlilegt hvað það er gott að eiga svona griðarstað þegar maður er kominn með hina svokölluðu borgareitrun...þ.e. þegar húsmóðirin er komin með óráð og óþægindi um allan líkamann sem svo lagast þegar komið er í sveitasæluna. Þetta kallast víst líka að hlaða batteríin.
Annars er allt gott að frétta úr Bugðulæknum, skólinn á síðasta snúning og jólin á næsta leiti. Ég er búin að ákveða að njóta aðventunnar alveg í botn og vil helst hafa vini og fjölskyldu sem mest hjá mér :) Þið vitið þannig að það verður heitt á könnunni og jólakökuilmurinn lengst út á götu því að ég ætla mér að vera svo myndarleg í bakstrinum þetta árið. Jólaprógrammið á Skólabrú er einnig byrjað þannig að jólagleðin fer ekkert fram hjá mér þar sem ég skelli mér í búning
Helgu Möller, sem er jú drottning jólalaganna, og tek alla hennar helstu smelli ;)

Nú ætla ég að fara í einu búðina á Hvammstanga (gott fyrir þá sem eru með valkvíða) og kaupa það sem til vantar í huggulega kvöldmáltíð í sveitasælunni :)

Harpan

miðvikudagur, nóvember 09, 2005

Brjálað að gera.....

Ég veit nú bara ekki hvað þetta endar allt saman...
Við erum nú annars bara eiturhress hér í Bugðulæknum :)
Nú þýðir ekkert að slá slöku við, tíminn líður hratt á gervihnattaöld.
Vissuð þið að það eru alveg að koma jól :/ ???

Harpan